اليوم اعطيكم معلومة رائعة والله كنز حقيقى ولو جربتوا تدعولى:
معلومتى اليوم عن عسل النحل
طبعا كلنا عارفين ان عسل النحل دواء لا يضاهيه فى القيمة والفائدة اى دواء كيميائى اخر من الصيدلية
ولكن انا حقولكم على سر جديد من اسرار عسل النحل:
اى شخص يعانى من الارق الشديد ومش بيعرف ينام يجرب ياخد ملعقة كبيرة عسل نحل طبيعى قبل النوم او ملعقتين وصدقونى مفعولها زى السحر وحتنام نوم عميق وتقوم فايق ونشيط جدا
و سبحان الله: فمن ناحية اخرى اذا تناولت الصبح اول ما تصحى من النوم نفس الملعقة الكبيرة من عسل النحل على الريق اتفرج باه على النشاط والحيوية اللى حيظهروا عليك فجاة بعد ماكنت دايخ وعايز تنام وبردان ومش قادر تفتح عينيك وزى ما عودتكم الموضوع ده متجرب والله ونتائجه اكيدة وهايله
انا جربته اولا ولما لقيته فعال بدات انصح بيه اصدقائى وقرايبى وفعلا لقوا النتائج ممتازة
فالحمد لله على هذه النعمة الرائعة
ملحوظة:الشخص اللى يعانى من الارق ليلا ممكن كمان ياخد مع ملعقة العسل كوب من اللبن الدافئ وبرده نتيجته ممتازة وصدقونى بعد ما تاخدوا الاتنين دول ماحدش حيقدر يفتح عينيه هاهاها
وعموما احذر بشدة من المهدئات او المنبهات لانكم لا تتخيلوا بتعمل ايه فى جسمنا وجهازنا العصبى
ودعواتى بدوام الصحة والعافية للجميع ان شاء الله
الإثنين سبتمبر 08, 2008 9:00 pm من طرف زائر
