اكلات منوعه للاطفال

أكـلات منوعـه للأطفـال

اليهال ( الأطفال ) لهم ساعات ماياكلون الأكل
اللي يتقدم لهم سواءا كان الأكل للريوق او الغدا او العشا
.. ممكن يكون بسبب عمرهم
لأن سنهم سن صعب التفاهم معاه عن أهميه الأكل المقدم لهم
فنشوفهم يفضلون عليها الحلويات والبطاط والمقالي وغيرها

وممكن يكون رفضهم بسبب عدم اعجابهم بالأكل
من ناحية شكله الغير جاذب
حتى ان نشوف اليهال يرفضون الأكل ابمجرد نظرهم له
حتى من غير ما يتذوقونه

وهم ممكن يكون السبب
عدم سؤالنا للطفل عن اللي يحبه واللي ما يحبه من الأكل
فنشوفهم يرفضون الاكل لعدم استساغهم لطعمه
( تذكروا ان كل شخص له ذوقه الخاص )

فالحل ...ممكن يكون
1
ابتغير اصحونهم ( اطباقهم ) بصحون يديدة
حلوة ومرسومة ابرسومات ( تعجبهم اهم ) مو انتوا

2
اسألوهم عن اللي يحبونه
وحاولوا انكم اتسوونه لهم بين الفترة والثانية
ان كان شي مقبول ومفيد

3
اعرضوا عليهم الاكل ابشكل جاذب يلفت انتباهم
يعني رتبوا الأكل بالصحن ابشكل منظم
من غير حط الاكل ابطريقة اي شي على يمين ويسار الصحن
وهم زينوا لهم الاكل مثل حركات المطاعم
يعني مثلا حطوا فوق اقلاس ( كأس ) عصير البرتقال
قطعة برتقال اصغيره .. وجذي

وهم بعد يكون الاكل بكميه متوسطه بالصحن
يشجعهم عالأكل
وما يحسسهم ان هالاكل فوق قدرتهم
وان عمره ماراح يخلص لو كلا فيه من اليوم لي بعد سنة

4
ان رفض الياهل تناول الوجبة
نطروا عليه اشوي وقدموها له بعد وقت
ولا تضغطون عليه بالاكل غصب وطق وصراخ
هالسوالف تخليه يكره الاكل واللي يوكله بعد
( تذكروا انه اكل مو عذاب )

5
اكلوا معاهم اشوي حتى لو بس جذي
بس طبعا ابصحن منفصل عنهم مو تاكلون اكلهم
جذي بتشجعوهم لأن ممكن الياهل يبي احد معاه وقت الاكل
وفاقد اللي يصاحبه ويشجعه عالاكل

6
نوعوا بأنواع الأكل وقدموا لهم شي يديد
يمكن يعجبهم

وان حابين اتعرفون على جم اكله ممكن تعجبهم
فعندي لكم

سندويشات الوجه الضاحك

لمقادير

توست ابيض - لبنه - زيتون اخضر (المحشو من الداخل بالاحمر) مقطع حلقات
زيتون اسود مقطع انصاف
سماق وممكن استبدال السماق بالزعتر

الطريقة

يقطع التوست دوائر بحجم الكأس ثم يمسح باللبنه
ويزين بالزيتون الاخضر المحشو بالاحمر للعينين
والزيتون الاسود للانف
والسماق للفم على شكل نصف دائره ليوضح الضحكه

سلطة قوس قزح

المقادير

اربع ك خس امريكي لمدور
اثنان من الفليفلة صفراء متوسطة الحجم و منزوعة البذور مقطعة شرائح
واحد ونص ك ملفوف أحمر مقطع شرائح رقيقة
واحد ونص ك شرائح جزر طماطم صغيرة (بحجم الكرز) منصفة
1 خيارة كبيرة مقشرة و مفرومة

الطريقة

اعملي المقادير طبقات في وعاء زجاجي و قدميها
بعد أن تضعي فوقها الصوص المفضل لديك
وقت التحضير 15 دقيقة
تقدم 6 حصص للحصة الواحدة (بدون الصوص) عدد الحريرات 46 حريرة
عدد غرامات الدهون 0 الكالسيوم 44 ميلي غرام
البروتين 2 غرام الألياف 3 غرام